والله وغلاتك عندي راح اصبر...

ADMIN المشاركات : 35 التقييم : 14823

كفايه صارلك شهريين غايب عني يالغالي ...

كفاية يا أعز الناس ترا والله ما اقدر ...

دخيلك لا تخيب فيك هقواتي..

وامالي واذا انها عالصبر والله وغلاتك عندي راح اصبر..

ابتحمل عني فرقاك وحالي يرثي لحالي...

مع اني والله لين اليوم مدري ليش بس تهجر..؟

ابعرف شو السبب ارجوووك وش الي بس يجرالي؟؟

انا شسويت يا ربي عشان تثور وتتفجر؟..

انا والله ما استاهل ابد كل الي جرالي...

اقل ما فيا بس قلي سبب خلاك تتغير..!

ابعرف بس شهالموضوع..؟ علامك صرت ما تبالي..؟

بذمة كل هلك وناسك فيوم شفتني بشي مقصر..؟

عطيتك قلبي وروحي وهبتك حالي ومالي..

حملت لك احساس هالدنيا وعطيته لك وانا افخر...

عشقتك عشق لا قبله ولا بعده انعشق تالي ..

هويتك موت واتخيل الين الموت واتصور..

واذا جاني مسج منك مخزن رقمك الغالي...

ولا امسح رسالاتك أتم اقرأها وافكر..

وأحلل كل كلمة بالمسج الله يا غربالي...

وأقول بخاطري معقوله حاسس فيني ويشعر..؟

وأرد اقول لأ يمكن تذكرني وهو سالي..

لأني توني مطرش مسج طرش مسج يشكر..

وارد اقول لأ ادري يبيني وحاسس بحالي..

وأرد اقول لا ماأظن على باله انا اخطر...

الين اني انا اتأكدت قلبه بالفعل خالي

ولا غيري انا بقلبه يحبني موت ويقدر..

.لأني مرة من المرات طارت فكرة على بالي

نويت ازعل بدون اسباب واشوفه لو بيتأثر..؟

ابعرف قدري بقلبه بيهمه وضعي الحالي

أو انه راح يطنشني ولا يسأل ويستفسر..

وفعلا دق وما جاوبت حرقلي والله جوالي..

ثلاث الاف مرة دق وانا مطنش ولا معبر..

كتبلي بالمسج انا عند بابك الحالي...

قسم بالله ما تطلع لأخربها انا واحقر..

ومشكلتي اعرفه زين يسويها ولا يبالي..!

نزلت وخاطره مكسور يقول وش فيك متغير..؟

وقلتله بس ابي اتأكد اذا قدري معك عالي..

ضحكلي وقالي تأكدت ودمعه بل المحجر..

وطارت فيني الدنيا لمكاني صاحبي جالي

تعذر لي وانا الغلطان وانا الي لازم اتعذر...

بعدها عشت احلى ايام في قربه يا هنيالي

وصلنا لمرحلة ما نفترق عن بعضنا واكثر ...

بعدها فجأة خلاني ولا يسال عن احوالي

وانا في خاطري ادري محال فيوم يتغير..!

ادق له ما يجاوبني بديت اشك في حالي

اخاف انه حصل له شي اخاف بس متكدر..!

لعب في قلبي الوسواس خياله ما تهيالي

حوالي الف مسج طرشتله حبيبي يا عسى ما شر ولا جاوب

..وانا قاعد على اعصابي وغربالي

حبيبي صار له اسبوع فيني حتى ما قكر...!!

الين اني عرفت شلون اخلي خلي الغالي

يكلمني وجت فكره بعد ما مت وانا افكر...

وفعلا اتصل فيني وبدت احزاني واهوالي..

وكانت صدمتي كبيرة علي الغالي اتغير ..

سالته قلتله وش فيك ما من شر يالغالي

وش الي صار بالدنيا علامك ليش متبعثر..؟؟!

أو انك يعني ما تدري بدونك صرت انا لحالي..؟

ولا لي خلق اي انسان كثر ما فيك انا افكر

وجاوبني وقال ارجوك ابي هالدنيا تصفالي

انا مليت من وظعي وشوف الكل متغير..!!

انا ظاقت بي الدنيا وابي ابقى انا لحالي

خلاص اتركني لا تسأل وانا برجع عقب اشهر ..

وقلتله مو علي تكذب اعرف تضعف قبالي..

تكلم قول شو الموضوع بدا قلبي يدق اكثر...!

سكت لحظة وقال ارجوك ابعد عني يالغالي

وخلني اذكرك بالخير وانت مثلي تذكر.

.ولا اتطرش مسج ولا تدق لي ابد تالي...

واذا لي خاطرن عندك لا تتكلم أبد سكر...

قلتله والله ما اسكر لين تقول وتصفالي.

.وقالي والله ما اتكلم ولو تبكي دمع احمر..

ولكن شوف ربعك وانت تعرف بس وش جالي..

خلاص افهمها عالطاير..ولتحرجني بعد اكثر..

وسكر والدمع فيني على الخدين همالي .

.قسم بالله ما ادري علامه قلبه اتحجر..!!

فؤادي انهار وانا حملي يهد جبالي

وجبالي في لحظة صارت الدنيا في عيني هالكبر واصغر.

.حسـافه ما توقعته يصدق فيني عذالي..

حسافه ما هقيته يوم يصد عني ويتغير...؟!

بعدها صارلي ما صار وربي يعلم بحالي ..

فؤادي باقي بس شوي واحسه من الجسم يظهر..

بديت اعرق ومدري ليش وخابت كل امالي

انا توقعت كل الناس ولا توقعت هو ينكر..

!وقلت بخاطري خله مصيره يرجع الغالي

اكيد انه سمع اي شي وجوه صار متعكر....!

ولاكن طول غيابه وزادت فيني

اعلالي مرض قلبي تعب فكري.. واحسه جسمي متخدر..

وقلت خلني اطرشله مسج واشكيله عن احوالي.

.وطرشت المسج وشوي دق لي ودون ما فكر..

هلا والله يا اغلى الناس هلا والله بالغالي..

.الو!!!ما قلتلك لا تذكرني او اذكر..؟َّ!

أبي بس اذكرك بالخير يأخي خلني في حالي..

وقلت وخاطري مكسور انا اسف وما اكرر....

قسم بالله لين اليوم وحالي يرثي لحالي..

.قسم بالله لين اليوم ولا ادري هو ليش تغير..؟

قسم بالله ما غطت عيوني ولا هدى بالي ..

قسم بالله لو حاولت انساه اتذكر...

الين اليوم انا عندي أمل يرجع ويصفالي..

اقول الشوق بيرده عبى فرقاي ما يقدر..!

! الين اليوم وظحكاته وبسماته على بالي..

الين اليوم ما ارقد كثر ما فيه افكر..

ابعرف شو السبب ارجوك وش اللي بس يجرالي...!؟

انا شسويت يا ربي عشان تثور وتتفجر؟؟...

انا والله ما استاهل ابد كل اللي يجرالي..

اقل ما فيها بس قلي سبب خلاك تتغير

ابعرف بس شالموضوع علامك صرت ما تبالي...؟

بذمة كل هلك فيوم شفتني بشي انا مقصر.؟.

انا رح انتظر ردك ولو حتى بمسج خالي

واذا ما جاني منك الرد وغلاتك عندي راح اصبر..

سنة سنتين الي يهم اشوفك ثاني قبالي..

ثلاث سنين اربع... ابصبر يعني راح اصبر ..

ولاكن حكم احساسك وجاوب يا اغلى كل الغالي...

بذمة والديك يهون تنساني ولا تذكر..

يهون انك تخليني ولا تسأل ولا تبالي...؟

يهون انك تنام الليل وانا وتتركني انا اسهر..؟

كفايه..كفايه صارلك شهرين غايب عني يالغالي..

كفايه يا أعز الناس ترا والله ما اقدر...

دخيلك لا تخيب فيك هقواتي وامالي..

واذا انها عالصبر..!! والله وغلاتك عندي راح اصبر..

والله وغلاتك عندي راح اصبر...

احبـــــــــك~E~

يسلمولي هلاصابع شو بتكتب كلام رائع

» احلى لعبه للبنات والله
» كلمه من عندي وبيت شعر من عندك
» ماعاد عندي شوق يمشي شورك " غيابك عليا اليوم كيف احضورك